Nám og kennsla á Netinu
Námskeiðið er í boði í
framhaldsdeild Kennaraháskóla Íslands. Viðfangsefni námskeiðins er rannsóknir, þróunarverkefni og athuganir á miðlun, framsetningu og skipulagi námsefnis og námsumhverfis á Interneti.
Umsjónarmaður námskeiðs er Salvör Gissurardóttir lektor. Aðrir kennarar á
námskeiðinu eru Sólveig Jakobsdóttir dósent o.fl.
Námskeiðið er verkefnamiðað og á verkstæðisformi og þátttaka nemenda og verkefni á stafrænu formi (eportfolio) eru grunnur til námsmats.
Námskeiðið er að miklu leyti með fjarkennslusniði þannig að nemendur og leiðbeinandi koma saman á nettímum/netfyrirlestrum í hverri viku og nota þess á milli ýmsa netmiðla til samskipta. Einnig er gert ráð fyrir einhverjum staðbundnum tímum í tölvuveri en það verður valfrjálst.
Markmið námskeiðsins eru að þátttakendur geti:
- útbúið fræðsluefni, gagnvirkt efni og fræðilegt efni á Netinu á ýmiss konar formi
- unnið undir leiðsögn að rannsóknar- og þróunarverkefnum tengdum netmiðlum
- skipulagt námsumhverfi og hannað námsferli á vef þar sem námsefnið, vinnusvæði nemenda, námsmat, samskipti og hópvinna mynda heild
- fjallað um rannsóknir og tilraunaverkefni um Netið í skólastarfi og tengt nýja tækni kenningum um nám og kennslu
- skipulagt ýmis konar nýtingu á Neti í skólastarfi s.s. fjarnám, blandað nám, heimanám, tómstundanám o.fl.
Leitast verður við að nota kennsluaðferðir sem byggja á veftækni og nýjum netverkfærum og þjálfa þannig nemendur til vinnu í slíku umhverfi. Námskeiðið skiptist í námslotur sem m.a. fjalla
um
- hönnun á kennsluvefjum/vefsíðugerð
- námsumhverfi á vefnum
- netsamskipti
- nýtingu í skólastarfi.
Einn liður í námskeiðinu er að sækja UT- ráðstefnu um upplýsingatækni og
skólastarf. Ráðstefnan 2006 var í Grundarfirði og eru þessar myndir þaðan.
Smellið á myndina til að fá stærri mynd.